जिल्हा पोलीस मुख्यालयात सुसज्ज उपहारगृहाचे विशेष पोलीस महानिरीक्षक के प्रसन्ना यांच्या हस्ते उदघाटन

धाराशिव / प्रतिनिधी

जिल्हा पोलीस अधीक्षक अतुल कुलकर्णी यांच्या संकल्पनेतून पोलीस कल्याण विभाग अंतर्गत धाराशिव पोलीस मुख्यालय आवारात पोलीसांसाठी ‘सुसज्ज उपहारगृह सुरु करण्यात आले. या उपहारगृहाचा शुभारंभ शुक्रवार दि.०३ मार्च २०२३ रोजी मा. विशेष पोलीस महानिरीक्षक के. प्रसन्ना यांच्या हास्ते व जिल्हा पोलीस अधीक्षक अतुल कुलकर्णी, अपर पोलीस अधीक्षक नवनीत कॉवत, यांचे उपस्थितीत करण्यात आला हे उपहारगृह पोलीस अधिकारी, अमलदार व बरोबर सर्वसामान्य नागरिकासाठी खुले असल्याचे उपहारगृह चालविणाऱ्या वर्षाराणी कुदळे यांनी यावेळी सांगितले, उपहारगृहाच्या उदघाटनासाठी सहाय्यक पोलीस अधीक्षक जैस्वाल, राखीव पोलीस निरीक्षक श्री दुबे, सपोनि श्री. बारोवकर इतर पोलीस अधिकारी, अमलदार तसेच कार्यालयनी कर्मचारी वर्ग व नागरिक मोठ्या संख्येने उपस्थित होते.