ज्ञानज्योती महिला पतसंस्थेच्या चेअरमन पदी ॲड. आकांक्षाताई चौगुले व व्हाईस चेअरमनपदी सारिका बंगले यांची बिनविरोध निवड

लोहारा/प्रतिनिधी
लोहारा शहरातील ज्ञानज्योती महिला पतसंस्था म.धाराशिव च्या चेअरमन पदी युवती सेना मराठवाडा निरीक्षक ॲड.आकांक्षाताई ज्ञानराज चौगुले व व्हाईस चेअरमनपदी नगरपंचायतीच्या गटनेत्या सारिका प्रमोद बंगले यांची बिनविरोध निवड करण्यात आली. लोहारा शहरातील ज्ञानज्योती महिला पतसंस्था म.धाराशिव च्या संचालक मंडळाची 2025 – 30 साठी बिनविरोध निवड झाल्यामुळे चेअरमन व व्हाईस चेअरमन यांच्या निवडी संदर्भात शहरातील ज्ञानज्योती महिला पतसंस्थेच्या कार्यालयात सहाय्यक निबंधक तथा अध्याशिय अधिकारी प्रसाद कुलकर्णी यांच्या अध्यक्षतेखाली दि.2 मे 2025 रोजी संचालक मंडळाची बैठक घेण्यात आली. चेअरमन पदासाठी अॅड. आकांक्षाताई चौगुले यांचा एकमेव अर्ज दाखल झाला. चेअरमन पदासाठी संचालिका तथा नगराध्यक्षा वैशालीताई खराडे यांनी सुचविले तर अनुमोन सुमन रोडगे यांनी दिले. व्हाईस चेअरमन पदासाठी सारिका बंगले यांचा एकमेव अर्ज दाखल झाला. व्हाईस चेअरमन पदासाठी संचालिका मनिषा शिंदे यांनी नाव सुचविले तर अनुमोदन संचालिका मुक्ताताई राजेंद्र भोजने यांनी दिले. चेअरमन व व्हाईस चेअरमन पदासाठी प्रत्येकी एक अर्ज दाखल झाल्याने अध्याधिश अधिकारी प्रसाद कुलकर्णी यांनी बिनविरोध निवड झाल्याचे जाहिर केले. या निवडीनंतर शहरातील डॉ.बाबासाहेब आंबेडकर चौकातील शिवसेना संपर्क कार्यालयात चेअरमन, व्हाईस चेअरमन, सचिव, संचालिका यांचा लोहारा तालुका शिवसेना व पतसंस्थेच्या वतीने भव्य सत्कार करण्यात आला. यावेळी फटाक्याची आतिषबाजी मोठ्या प्रमाणात करण्यात आली. यावेळी युवती सेना मराठवाडा निरीक्षक तथा पतसंस्थेच्या चेअरमन ॲड.आकांक्षाताई चौगुले, शिवसेना तालुका प्रमुख जगन्नाथ पाटील, नगराध्यक्षा तथा संचालिका वैशालीताई खराडे, उपनगराध्यक्ष अमिन सुंबेकर, गटनेत्या तथा सारिका बंगले, माजी गटनेते अभिमान खराडे, नगरसेवक अविनाश माळी, शिवसेना नेते राजेंद्र माळी, संस्थेच्या सचिव मिराताई अविनाश माळी, संचालिका मुक्ताताई राजेंद्र भोजणे, संचालिका सुमन दिपक रोडगे, संचालिका देवकन्या आप्पासाहेब पाटील, संचालिका मुमताज अमिन सुंबेकर, नगरसेविका शामल माळी, शिवसेना जिल्हा उप प्रमुख शब्बीर गवंडी, पं.सं. माजी सदस्य दिपक रोडगे, सदानंद शिवदे पाटील, माजी नगरसेवक आयुब अब्दुल शेख, भाजपा तालुका सरचिटणीस तथा जिल्हा मराठी पत्रकार संघ तालुकाध्यक्ष इकबाल मुल्ला, माजी सरपंच आप्पासाहेब पाटील, पतसंस्थेचे शाखा व्यवस्थापक भागवत पवार, बालाजी जगदाळे, राजश्री घंटे, अनुक्षा पाटील, आनिकेत कदम, नयुम सवार, सचिन करे, शुभम सुरवसे, मारुती कोकरे, श्रीकांत बिराजदार, यांच्यासह महिला व नागरिक मोठ्या संख्येने उपस्थित होते.