तुळजापूर विधानसभा मतदारसंघात एक ते दीड लाखाची वज्रमुठ – माजी नगराध्यक्ष देवानंद रोचकरी

तुळजापूर विधानसभा मतदारसंघात एक ते दीड लाखाची वज्रमुठ – माजी नगराध्यक्ष देवानंद रोचकरी

तुळजापूर : ज्ञानेश्वर गवळी

आगामी तुळजापूर विधानसभा निवडणुकीच्या अनुषंगाने सोमवार दि. 15 जुलै रोजी सकाळी 11:30 वाजता येथील बसस्थानक समोरील देवराज मित्र कार्यालयात तुळजापूर विधानसभा मतदारसंघातील देवराज मित्र मंडळाच्या कार्यकर्त्यांसाठी “कार्यकर्ता मेळावा” घेण्यात आला होता. या मेळा‌व्यासाठी तालुक्यातील देवराज मित्र मंडळाचे,पदाधिकारी व कार्यकर्ते मोठ्या संख्येने उपस्थित होते.

यावेळी तुळजापूर विधानसभा निवडणुकीसाठी इच्छुक उमेदवार तथा तुळजापूरचे माजी नगराध्यक्ष व सामाजिक कार्यकर्ते देवानंद (भाऊ)रोचकरी यांनी आगामी विधानसभा निवडणुकीच्या अनुषंगाने मार्गदर्शन करीत कार्यकर्त्यांनी नागरिकांच्या समस्या सोडविण्यासाठी पाठपुरावा करावा नागरिकांच्या समस्या सोडविण्यासाठी आपण 24 तास कटिबद्ध राहणार असल्याची ग्वाही त्यांनी यावेळी कार्यकर्त्यांना दिली.

मागील 2014 च्या विधानसभा निवडणुकीच्या आखाड्यात देवानंद रोचकरी यांना 47 हजार मतदारांनी मतदान करून पसंती दिली होती.त्या अनुषंगाने आता विधानसभा क्षेत्रातील कार्यकर्त्यांमध्ये उत्साहाचे वातावरण असून तालुक्यातील देवराज मित्र मंडळाच्या कार्यकर्त्यांनी व पदाधिकाऱ्यांनी या कार्यकर्ता मेळाव्याला बहुसंख्येने हजेरी लावली होती.

यावेळी कार्यकर्त्यांना मार्गदर्शन करताना देवराज मित्र मंडळाचे सर्वेसर्वा तथा तुळजापूर विधानसभा इच्छुक उमेदवार देवानंद रोचकरी यांनी कार्यकर्त्यांनी विधानसभा निवडणुकीसाठी कामाला लागण्याचे आवाहन करीत नागरिकांच्या समस्या सोडविण्यासाठी तत्पर राहावे असेही सुचित करण्यात आले.
तसेच कार्यकर्त्यांना वेळोवेळी सुसंवाद साधला जाणार असून यापुढे आपण नागरिकांच्या मुलभूत सोयी -सुविधा वीज,पाणी,रस्ते,गटार, शौचालय, पर्यावरण,उद्योग, रोजगार या समस्या सोडविण्यासाठी आपण प्रयत्नशील राहणार असल्याचे कार्यकर्त्यांना सांगितले. तसेच त्यांनी स्थानीय बुथ स्तरावरील कामकाजाबद्दल या मेळाव्यात कार्यकर्त्यांना मोलाचे मार्गदर्शन केले.काही दिवसांपूर्वीच तुळजापूर विधानसभा मतदार संघात कार्यकर्ता मेळाव्याचे आयोजन करण्यात आले होते. यापुढेही वाडी, तांडा, वस्ती, तालुक्यातील गावागावात कार्यकर्ता
मेळाव्याचे आयोजन करणार असल्याचे प्रसार माध्यमांशी बोलताना सांगितले.यावेळी तुळजापूर तालुक्यातील हजार ते दीड हजार कार्यकर्ते मोठ्या संख्येने उपस्थित होते.

– माजी नगराध्यक्ष देवानंद भाऊ रोचकरी, तुळजापूर देवराज मित्र मंडळाची एक ते दिड लाखांची वज्रमूठ कायम राखावी.

तुळजापूर तालुक्यातील विधानसभा मतदारसंघात आमची एक ते दीड लाख मतदारांची वज्रमुठ आहे. तुळजापूर तालुक्यातील कार्यकर्ते व पदाधिकाऱ्यांना विश्भूवासात व चर्चा करून पुढील रणनीती पाहून कोणत्या पक्षाचे तिकीट मिळेल त्या पक्षाकडून विधानसभा लढविणार
माजी नगराध्यक्ष देवानंद रोचकरी,देवराज मित्र मंडळ संस्थापक अध्यक्ष, तुळजापूर