मतदान जनजागृती निमित्त आई-बाबा भावनिक पत्र… सुभाषचंद्र बोस कनिष्ठ महाविद्यालयाचा उपक्रम

लोहारा-प्रतिनिधी

लोहारा येथील वसंतदादा पाटील हायस्कूल संलग्न नेताजी सुभाषचंद्र बोस कनिष्ठ महाविद्यालयात दि.२८ रोजी स्वीप कार्यक्रमांतर्गत मतदान जनजागृती निमित्त शाळा कनिष्ठ महाविद्यालयातील विद्यार्थ्यामार्फत आई-बाबा यांना मतदान करण्यासाठी “तुमच्या-आमच्या उज्वल भविष्यासाठी आई-बाबा मतदान करा” भावनिक पत्र लिहिण्यात आले.
आगामी लोकसभा निवडणुकीत मतदान करण्यासाठी हा उपक्रम राबविण्यात आला.स्वीप अंतर्गत रांगोळी स्पर्धेचे आयोजन करण्यात आले होते. यातही विद्यार्थ्यांनी उत्स्फूर्त सहभाग नोंदविला.स्वीप अंतर्गत आज रांगोळी स्पर्धेचे आयोजन करण्यात आले होते. यातही विद्यार्थ्यांनी उत्स्फूर्त सहभाग नोंदविला.मतदान जनजागृती निमित्त शाळा व कनिष्ठ महाविद्यालय यांच्या वतीने या अगोदर मतदान जनजागृती साठी प्रभात फेरी,चित्रकला स्पर्धा,वक्तृत्व स्पर्धा आयोजन करण्यात आले होते.
कार्यक्रम प्राचार्य श्रीमती उर्मिला पाटील यांच्या मार्गदर्शनाखाली राबवण्यात आले.यासाठी सांस्कृतिक विभाग प्रमुख प्रा.सचिन शिंदे व श्रीकांत मोरे यांनी कार्यक्रमाचे आयोजन केले.कार्यक्रम यशस्वी करण्यासाठी शाळा महाविद्यालयातील सर्व शिक्षक व शिक्षकेत्तर कर्मचारी यांचे सहकार्य लाभले.या सर्व कार्यक्रमात विद्यार्थ्यांनीही सक्रिय सहभाग नोंदविला.