प्रतिबंधित केलेला पानमसाला, तंबाखु व टेम्पो असा एकुण ४१,४०,०००/- रुपये किंमतीचा मुद्देमाल जप्त

प्रतिबंधित केलेला पानमसाला, तंबाखु व टेम्पो असा एकुण ४१,४०,०००/- रुपये किंमतीचा मुद्देमाल जप्त !

आरोपींना अटक करण्यात आले आहे.

तुळजापूर : प्रतिनिधी

कर्नाटक राज्यातुन बीडकडे महाराष्ट्र राज्यात प्रतिबंधित केलेला पानमसाला, तंबाखु व टेम्पो जानार आहे असी दि. ३० जून रोजी रात्री गुप्त बातमीदारांकडुन मिळालेल्या माहितीच्या आधारे पोलीस ठाणे आनंदनगर, पथकाने कर्नाटक राज्यातुन बीडकडे महाराष्ट्र राज्यात प्रतिबंधित केलेला पानमसाला, तंबाखु व टेम्पो असा एकुण ४१,४०,०००/- रुपये किंमतीचा मुद्देमाल जप्त केला आहे.

पोलीस प्रशासनाकून माहिती ळाल्यानुसार दि.३० जून रोजी रात्री उशिरा पोलीस ठाणे आनंदनगर येथे मिळालेल्या गुप्त बातमीच्या आधारे पोलीसांनी सापळा रचून तुळजापुर कडुन बीड कडे जात असलेला एक चॉकलेटी रंगाचा टेम्पो क्र. ए पी २३ डब्ल्यु २९९९ हा टेम्पो एम आय डी सी उड्डाणपुल उस्मानाबाद येथे पकडुन त्यातील मालाबाब मोहम्मद इरफान मोहम्मद आरीफ, वय २७ वर्षे, चालक, रा. एम एस के मिल जवळ, जिलानाबाद, गुलबर्गा (कर्नाटक) व त्याचा सहकारी सय्यद आसीफ सय्यद रुकमोद्दीन वय २६ वर्षे, रा. कडगंची, गुलबर्गा विद्यापीठ जवळ, गुलबर्गा (कर्नाटक) यांना विचारणा केली असता त्यांनी सदर टेम्पोमध्ये पान मसाला, तंबाखु असा मुद्देमाल असल्याचे कबुल केले. सदर वाहनात शासनाने प्रतिबंधित केलेले पदार्थ असल्याची खात्री झाल्याने नमुद इसम व त्यांचे ताब्यातील मुद्देमाल असे टेम्पोसह पोलीस ठाणे आनंदनगर येथे आणुन सदर इसमांच्या विरुध्द कलम ३२८, १८८, २७२, २७३, ३४ भादंवि प्रमाणे गुन्हा दाखल करण्यात आला असुन आरोपींना अटक करण्यात आले आहे.

सदरची कारवाई अतुल कुलकर्णी, पोलीस अधीक्षक उस्मानाबाद, नवनीत कांवत, अपर पोलीस अधीक्षक उस्मानाबाद, स्वप्निल राठोड, उपविभागीय पोलीस अधिकारी, उस्मानाबाद, दिलीप पारेकर पोलीस निरीक्षक आनंदनगर यांच्या मार्गदर्शनाखाली सहा. पोलीस निरीक्षक गोरक्ष खरड, पोहवा ज्ञानदेव कांबळे, चापोना सचिन खंडेराव, पोकाँ ज्ञानेश्वर कागदे यांनी केली आहे. गुन्ह्याचा पुढील तपास स.पो.नि. गोरक्ष खरड पोलीस निरीक्षक पोलीस ठाणे आनंदनगर हे करत आहेत.