अखेर साठ तासांनी अलिबाग येथील कचरा भूमीवरील आग:आग विझवित असताना भाजले माजी नगराध्यक्ष प्रशांत नाई
अलिबाग:-अमूलकुमार जैन
रायगड जिल्ह्यातील अलिबाग नगरपालिकेच्या हद्दीत असणाऱ्या श्रीबाग येथील कचरा भूमीला (ड्रम्पिंग ग्राउंड) ला लागलेली आग विझविण्यासाठी तब्बल पंचावन्न ते साठ तासांचा अवधी लागला.मात्र आग विझवीत असताना अलिबाग नगरीचे माजी नगराध्यक्ष प्रशांत नाईक यांच्या पाय आगीत पडल्याने त्याचा पाय भाजला आहे.
अलिबाग शहरातील कचरा भुमीला सोमवार दिनांक 13 फेब्रुवारी2023 रोजी रात्री कोणतरी कचरा भूमीत (ड्रम्पिंग ग्राउंड) असलेल्या कचऱ्याला आग लावली होती.मात्र त्यामुळे सोमवारी रात्री पासून शहर आणि लगतच्या परिसरात धुराचे साम्राज्य निर्माण झाले होते. मंगळवारी सकाळी दहा वाजेपर्यंत त्याचा त्रास अलिबागकरांना सहन करावा लागला. होता.कचरा भूमीत लागलेल्या आगीमुळे धुराचे साम्राज्य निर्माण झाले आहे. अलिबाग नगरपरिषदेचे प्रशासन यावर ठोस उपाययोजना करण्यास अपयशी ठरले. अलिबागकरांच्या आरोग्याच्या दृष्टीने विचार करीत अलिबाग नगरपरिषदेचे माजी नगराध्यक्ष प्रशांत नाईक मदतीसाठी धावून आले. त्यांनी सामाजिक बांधिलकी जपत आगीला आटोक्यात आणण्यासाठी त्यांनी तीन पोकलेन, दोन जेसीबी, पाच पाण्याचे टँकर,,सात फायर इंजिन आदींची सुविधा उपलब्ध करून दिली. र एवढया वरच न थांबता आवश्यक असणारे कर्मचारी काही माजी नगरसेवक सहित स्वतः प्रशांत नाईक हे मंगळवार पासून आग विझविण्याचे काम युध्द पातळीवर सुरु केले होते.आज पहाटेपर्यंत धुराचे लोट शहरात पसरले होते. अलिबाग नगरपरिषदेने ही आग आटोक्यात आणण्यासाठी प्रयत्न केला. धुरामुळे शहरातील लहान मुलांपासून गर्भवती माता, ज्येष्ठ नागरिक, अस्थमाचे रुग्ण व अन्य नागरिकांच्या आरोग्याचा प्रश्न निर्माण झाला होता. धुरामुळे अलिबागकर त्रस्त झाले होते. अलिबागकरांचा श्वास कोंडला होता.तसेच कपड्यांना धुरंडाचा वास येत आहे. प्रशांत नाईक मदतीसाठी धावून आल्याने नगरपरिषदेसह अलिबागकरांनी सुटकेचा श्वास घेतला.
गेल्या तीन-चार दिवसापासून अलिबाग डंपिंग ग्राऊंडवर लागलेली आग विझवण्यासाठी प्रयत्न करत असताना माजी नगराध्यक्ष प्रशांत नाईक यांच्या पायाला भाजल्याने ते जखमी झाले आहेत. त्यांच्यावर उपचार सुरू आहेत.
अलिबागकर नागरिकांच्या समस्या सोडविण्यासाठी आपले लाडके तत्पर असलेले माजी नगराध्यक्ष प्रशांत नाईक यांनीच पुढाकार घेतला. सकाळी 8.30 वाजल्यापासून डम्पिंग ग्राऊंडवर जाऊन आपले जेसीबी कामाला लावून कचऱ्याला लागलेली आग आटोक्यात आणण्यासाठी प्रयत्न करीत असताना त्यांचा पाय भाजला गेला होता. तरीही कसली तमा न कर्ता ते तिथे रात्री 9.30 पर्यंत उभे राहून काम करून घेत होते. त्यामुळेच त्यांच्या पायाला भाजलेल्याने फोड आले आहेत.
नगरपरिषदेवर गेली वर्षभर प्रशासक आहे. कचराभूमीला लागलेली आग आटोक्यात आणण्याची जबाबदारी प्रशासनाची असताना, ती जबाबदारी प्रशासक खंबीरपणे पेलू शकले नाही. काही जण या आगी व धुराबाबत सोशल मिडीयावर वेगवेगळे मेसेज व्हायरल करीत होते. परंतू एक अलिबागकर म्हणून ही आग आटोक्यात आणण्यासाठी प्रत्यक्षात प्रयत्न केले नाही. मात्र अलिबागचे माजी नगराध्यक्ष प्रशांत नाईक यांनी मी अलिबागकर माझे अलिबाग ही भुमिका ठेवत सामाजिक बांधिलकीतून शहराच्या व शहरातील नागरिकांच्या हितासाठी धावून आले. प्रत्यक्षात घटना स्थळी जाऊन कचरा भुमीतील आग आटोक्यात आणण्यासाठी लागणारी साधन सामग्री उपलब्ध करून दिली. त्याचबरोबर आग विझेपर्यंत स्वतः उपस्थित राहिले या कामगिरीबाबत अलिबागकरांकडून कौतूक होत आहे
• अनिल चोपडा- माजी नगरसेवक
