जुगार विरोधी कारवाई दरम्यान उप विभागीय पोलीस अधिकारी कार्यालय, कळंब यांची कारवाई
जुगार विरोधी कारवाई दरम्यान उप विभागीय पोलीस अधिकारी कार्यालय, कळंब यांची कारवाई
कळंब/न्यूज सिक्सर
उप विभागीय पोलीस अधिकारी कार्यालय, कळंब यांचे पथक कळंब उप विभागातील अवैध धंद्यांविषयी माहिती काढून कायदेशीर कारवाई करण्यासाठी दि. 29.1.2023 रोजी कळंब शहरात गस्तीस होते. पथकास गोपनीय माहिती मिळाली की, कळंब शहरातील मोहेकर कॉलेजचे पाठीमागे बोराडे यांच्या शेतातील शेड मध्ये काही इसम तिरट जुगार खेळत आहेत. यावर पथकाने नमूद ठिकाणच्या शेडमध्ये 18.20 वा. सु. छापा टाकला असता तेथे 1. राहूल माने 2. मनोज कानडे 3. जलील शेख 4.सूरज वैरागे 5.ताहेर शेख 6.दिनेश कोलंगडे 7. बापू काळे 8. बोराडे, सर्व रा.कळंब 9 अनंत कांबळे रा. येरमाळा, 10.विष्णु घुले रा. टाकळी केज,11.सलीम शेख रा. ढोकी, हे सर्व लोक तिरट जुगार खेळत असताना पथकास मिळुन आले. त्यांच्याकडे जुगाराबाबत विचारणा केली असता सदर जुगाराचा अड्डा बोराडे हे चालवित असल्याचे समजले. नमूद जुगार अड्ड्यावरुन जुगार साहित्यासह 06 मोटारसायकल, 07 मोबाईल फोन व रोख रक्कम असा एकुण 4,99,060 ₹ किं चा मुद्देमाल पोलीसांनी जप्त केला असुन नमूद व्यक्तींविरुध्द महाराष्ट्र जुगार प्रतिबंधक कायदा कलम- 4,5 अंतर्गत कळंब पो.ठा. येथे गुन्हा नोंदवला आहे.
सदरची कामगिरी मा.पोलीस अधीक्षक श्री. अतुल कुलकर्णी यांच्या आदेशावरुन कळंब उप विभागाचे ए.एस.पी.- श्री. एम. रमेश यांच्या मार्गदर्शनाखाली उपविभागीय पोलीस अधिकारी कार्यालय, कळंब यांच्या पथकाने केली आहे.
