हिंदू मराठा या नावाने मराठा आरक्षणाचे इमाव प्रमाणपत्र देण्यात यावे – सुनील नागणे

हिंदू मराठा या नावाने मराठा आरक्षणाचे इमाव प्रमाणपत्र देण्यात यावे – सुनील नागणे

तुळजापुर : ज्ञानेश्वर गवळी

राज्य शासन मराठा आरक्षणासाठी मराठा कुणबी या नावाने इतर मागासवर्गीयातून आरक्षण देत आहे परंतु आम्ही हिंदू मराठा आहोत त्यामुळे आम्हाला हिंदू मराठा या नावानेच मराठा आरक्षण देण्यात यावे अन्यथा मुंबई येथे येऊन आम्ही सकल मराठा बांधव जलसमाधी घेणार आहोत यासाठी आम्ही चार दिवसाची राज्य सरकारला मुदत देत आहोत या कालावधीत सरकारने निर्णय घेतला नाही तर जलसमाधी घेतल्याशिवाय राहणार नाही असे मराठा समन्वयक सुनील नागणे यांनी पत्रकार परिषदेत सांगितले. गेल्या 40 वर्षापासून मराठा समाज इतर मागासवर्गीयाचे आरक्षण मागत आहे.परंतु राज्य सरकारने मराठा समाजास आरक्षण न देता मराठा कुणबी या नावाने इतर मागासवर्गीय आरक्षण देण्याचे जाहीर केले आहे. परंतु आम्ही हिंदू मराठा असल्याने आम्हाला याच नावे इतर मागासवर्गीयचे आरक्षण देण्यात यावे. मागील दहा वर्षापासून राज्य शासन मराठा समाजाला आरक्षण देत आहे , परंतु हे आरक्षण टिकत नसल्याने मराठा समाजावर अन्याय होत आहे. यासाठी राज्य सरकारने केंद्राकडे साकडे घालून आरक्षणाच्या सूचित हिंदू मराठा याचा समावेश करावा म्हणजे ते आरक्षण न्यायालयात व सर्व ठिकाणी टिकणारे असेल असे नागणे यांनी स्पष्ट केले. तामलवाडी येथे नियोजित एमआयडीसीचा प्रस्ताव आला आहे या ठिकाणी जे कोणी उद्योगधंदे उभारतील त्यांनी स्थानिक भूमीपुत्रांना 75 टक्के नोकरीसाठी जागा राखीव ठेवाव्यात. या जागा सर्व स्तरावरील असाव्यात अन्यथा त्या उद्योगधंद्याविरोधात तीव्र आंदोलन करण्यात येईल असेही नागणे यांनी सांगितले. खडकी येथे राज्यातील अनेक राजकीय व्यक्तींनी शेतकऱ्यांच्या जमिनी कवडीमोल भावाने खरेदी करून भूखंड योजना राबवली आहे. परंतु या भूखंड योजनेत काही शासकीय अधिकाऱ्यांना हाताशी धरून भूखंड घेणाऱ्यांची मोठी फसवणूक करत आहे. याकरिता जिल्हाधिकारी यांनी लक्ष घालून संबंधित अधिकाऱ्यांवर कारवाई करावी अशी मागणी त्यांनी केली आहे.