मध्यमवर्गीय कुटुंबासाठी पंतप्रधान नरेंद्रजी मोदी यांच्या नेतृत्वाखाली अर्थसंकल्प सादर करण्यात आला, पंतप्रधान नरेंद्रजी मोदी आणि केंद्रीय अर्थमंत्री निर्मला सीतारमणजींचे माजी आ.सुजितसिंह ठाकूर यांनी मानले आभार

लोहारा-प्रतिनिधी

आजच्या अर्थसंकल्पीय अधिवेशनात केंद्रीय अर्थमंत्री निर्मला सीतारमण यांनी सादर केलेला अर्थसंकल्प हा विकसित भारताच्या संकल्पाची पूर्तता करणारा आणि २१ व्या शतकाला एक नवीन दिशा देणारा अर्थसंकल्प आहे,.पंतप्रधान नरेंद्रजी मोदी आणि केंद्रीय अर्थमंत्री निर्मला सीतारमणजींचे भाजपाचे ज्येष्ठ नेते माजी आ. सुजितसिंह ठाकूर यांनी अभिनंदन आणि त्यांचे आभार मानले आहे. या अर्थसंकल्पात महिला, शेतकरी, गरीब, तरुण आणि मध्यमवर्गीय अशा सर्व घटकांवर विशेष लक्ष देण्यात आले आहे. 12 लाख रुपयांपर्यंतच्या उत्पन्नावर कोणताही आयकर लागणार नाही. ही घोषणा भारताच्या अर्थव्यवस्थेत एक मैलाचा दगड ठरेल. या ऐतिहासिक निर्णयाचा फायदा मध्यमवर्गीय, नोकरी करणारे व्यावसायिक आणि तरुणांना होईल. शेतीतील गुंतवणूक वेगाने वाढत आहे. 100 जिल्ह्यांमध्ये नवीन कृषी योजना आणि डाळी आणि तेलबियांसाठी नवीन योजनेची घोषणा शेतकऱ्यांना मोठ्या प्रमाणात फायदा देईल. मच्छिमारांना व्याजाशिवाय क्रेडिट कार्डद्वारे ₹ 3 लाख रुपयांऐवजी 5 लाख रुपये देण्याचा मोठा निर्णय घेण्यात आला आहे. युवकांसाठी एमएसएमई क्षेत्र खूप महत्वाचे आहे. यामध्ये, क्रेडिट मर्यादा आणि थ्रेशोल्ड मर्यादा वाढवून या क्षेत्राला फायदा देण्याचा निर्णय घेण्यात आला आहे. स्टार्टअप इकोसिस्टमला 20 कोटी रुपयांचे कर्ज देण्यात येणार असल्याचे सांगण्यात आले आहे. यामुळे स्टार्टअप इकोसिस्टमला चालना मिळेल आणि आपल्या तरुणांसाठी मोठ्या प्रमाणात रोजगार निर्माण होईल. पायाभूत सुविधा क्षेत्रात खाजगी क्षेत्रातील गुंतवणूक वाढवून मोठ्या प्रमाणात रोजगार निर्मिती करण्याचा निर्णय घेण्यात आला आहे. केंद्र सरकारने राज्यांना 50 वर्षांसाठी व्याजमुक्त पायाभूत सुविधा कर्ज देण्यासाठी 1.5 लाख कोटी रुपयांची तरतूद करण्यात आली आहे. याचा फायदा पायाभूत सुविधा क्षेत्रालाही होईल. केंद्र सरकारने विमा कंपन्यांमध्ये 100% थेट परकीय गुंतवणुकीला परवानगी दिली आहे. हा खूप मोठा निर्णय आहे. या कंपन्यांकडून येणारा पैसा भारतीय पायाभूत सुविधांमध्ये गुंतवला जाईल. नवीन कापूस अभियानाचा सर्वाधिक फायदा महाराष्ट्राला होईल. राज्यात खूप मोठ्या प्रमाणात कापसाची लागवड केली जाते. या मोहिमेचा फायदा कापूस शेतकऱ्यांना होईल. हा अर्थसंकल्प भारताला विकसित भारताकडे घेऊन जाणारा आहे. या अर्थसंकल्पाने महिला, शेतकरी, गरीब, तरुण आणि मध्यमवर्गीय घटकांना मोठी भेट दिली आहे, असे माजी आ. सुजितसिंह ठाकूर यांनी सांगितले.