वैज्ञानिक दृष्ट्या विवेकवादी समाज निर्माण करण्यासाठी अंनिसची चळवळ – माधव बावगे
वैज्ञानिक दृष्ट्या विवेकवादी समाज निर्माण करण्यासाठी अंनिसची चळवळ – माधव बावगे
नळदुर्ग /न्यूज सिक्सर
समाजाच शोषण करणाऱ्या अंधश्रद्धा नष्ट करणे,भारतीय संविधानाचा आशय समाजात रुजविणे व वैज्ञानिक दृष्ट्या समाज विवेकी बनविण्याकरिता महाराष्ट्र अंधश्रद्धा निर्मूलन समितीची चळवळ सुरू करण्यात आली आहे.असे प्रतिपादन महाराष्ट्र अंधश्रद्धा निर्मूलन समितीचे राज्य कार्याध्यक्ष माधव बावगे (लातूर) यांनी नळदुर्ग ता.तुळजापूर येथे कार्यकर्त्यांसी बोलताना केले.
महाराष्ट्र अंधश्रद्धा निर्मूलन समितीच्या महाराष्ट्रातील प्रत्येक जिल्ह्यातील शाखांचे नुतनीकरण करणे नवीन कार्यकर्ते जोडणे व अनिसची चळवळ मजबूत करणे या उद्देशाने माधव बावगे हे सतत महाराष्ट्रभर फिरत असतात त्याचाच भाग म्हणून ते उस्मानाबाद जिल्ह्यातील नळदुर्ग या ठिकाणी आले असता कार्यकर्त्यासी बोलत होते.
यावेळी परिवर्तन सामाजिक संस्थेचे मारुती बनसोडे, भैरवनाथ कानडे, एस.के.गायकवाड, प्रा.भास्कर वाघमारे, महेश कदम,सुनील जाधव, सह कार्यकर्ते उपस्थित होते.
