धाराशिव(प्रतिनिधी)
जिल्हा परिषद धाराशिव व ओपन लिंक्स फाउंडेशन यांच्यातील सामंजस्य करार अंतर्गत राबविण्यात येणारा आचार्य विनोबा भावे शिक्षक सहाय्यक कार्यक्रम अर्थात विनोबा(बा) ॲपच्या माध्यमातून जिल्ह्यातील उपक्रमशील शिक्षकांना प्रत्येक महिन्यात प्रोत्साहनपर पुरस्कार देऊन सन्मानित करण्यात येते. नोव्हेंबर महिन्यात धाराशिव जिल्हा स्तरावरील ‘पोस्ट ऑफ द मंथ’ विजेते शिक्षक सौ. सोनाली कलशेट्टी मॅडम जिल्हा परिषद गर्ल हायस्कूल मुरूम उमरगा, श्री. कांबळे विनोद सर जिल्हा परिषद शाळा इराचीवडी भूम, श्री. विजयकुमार कलशेट्टी सर जिल्हा परिषद मुलींची प्राथमिक शाळा अलुर उमरगा, श्री. संदीप मोरे सर जिल्हा परिषद प्राथमिक शाळा अंधारे वस्ती माणकेश्वर भूम, श्री. दत्ता घोडके सर जिल्हा परिषद प्राथमिक शाळा अंधारे वस्ती माणकेश्वर भूम, श्री. सोमनाथ जामगावकर सर जिल्हा परिषद प्राथमिक शाळा नरसिंगवाडी 2 तुळजापूर, श्री. माधव पोटारे सर जिल्हा परिषद प्राथमिक शाळा पन्हाळवडी भूम, सौ भावना चौधरी मॅडम तुळजापूर यांना पुरस्कार देऊन सन्मानित करण्यात आले. सदरील पुरस्कार मा.श्री. मैनाक घोष साहेब (मुख्य कार्यकारी अधिकारी जिल्हा परिषद धाराशिव) यांच्या हस्ते प्रदान करण्यात आला. तसेच श्री. पाटील साहेब(शिक्षणाधिकारी प्राथ) यांनी शिक्षकांशी संवाद साधून विद्यार्थ्यांच्या गुणवत्ते बाबत चर्चा केली व शिक्षकांना मार्गदर्शन केले. सदरील कार्यक्रमाला विस्तार अधिकारी श्री. जंगम, पुरस्कार विजेते शिक्षक तसेच ओपन लिंक्स फाऊंडेशन चे श्री रघुनाथ वानखडे(कार्यक्रम व्यवस्थापक), सोमनाथ स्वामी(प्रकल्प अधिकारी) उपस्थित होते.
माननीय मुख्य कार्यकारी साहेब यांनी पुढील कार्यास सर्व शिक्षक यांना शुभेच्छा दिल्या व जिल्ह्यातील सर्व शिक्षकांना प्रेरणा द्यावी अशा प्रकारे अपेक्षा व्यक्त करण्यात आली.
