मराठा महिला मंचच्यावतीने आदर्श माता व उद्योजिकांचा सन्मान

धाराशिव /न्यूज सिक्सर

राजमाता जिजाऊ व माता सावित्री यांच्या जयंतीनिमित्त मराठा महिला मंचच्यावतीने १२ आदर्श माता व उद्योजिका यांचा जिजाऊ व सावित्री यांच्या कार्याची पुस्तके देऊन दि.१३ जानेवारी रोजी सन्मान करण्यात आला.

धाराशिव शहरातील शासकीय विश्रामगृहात येणाऱ्या आव्हानाला परतवून परिस्थितीवर मात करून कुटुंबाला भरभक्कम आधार देणाऱ्या व समाजामध्ये स्वतःचे अस्तित्व निर्माण करणाऱ्या आदर्श माता, आदर्श उद्योजिका व आदर्श व्यवस्थापिका यांचा‌ आयोजक मनिषा राखुंडे-पाटील यांच्यावतीने यथोचित सन्मान करण्यात आला. कार्यक्रमास प्रमुख पाहुणे म्हणून सहाय्यक पोलीस निरीक्षक हिना शेख, मुक्ता लोखंडे मनिषा पाटील यांच्या हस्ते हवालदार सरोजा शिंदे, डाॅ वृदाराणी विधाते, डाॅ अंजली बुरगुटे व सरोजा शिंदे, सुषमा दुगम, सीमा नवले, सुनिता म्हस्के, विद्या पडवळ, कविता काळे, मंदाकिनी माकोडे, वृंदाराणी विधाते, सुवर्णा काकडे, अनघा गोडगे, संगीता शेंडगे यांचा पुष्पगुच्छ व जिजाऊ सावित्री यांच्या कार्याचे पुस्तक देऊन तसेच फेटा बांधून सत्कार करण्यात आला.

मराठा महिला मंच धाराशिव च्या मनिषा पाटील, शशिकला गुंजकर, आनंदी पाटील, शिलावती देशमुख ,सुनिता दराडे, संध्या हवालदार, सरोजा शिंदे व इतर महिला उपस्थित होत्या.