लोहारा तालुका पत्रकारांच्या वतीने पत्रकार रविंद्र केसकर यांच्यावरील हल्ल्याचा तीव्र निषेध, हल्लेखोरावर कठोर कारवाईची मागणी

लोहारा-प्रतिनिधी

धाराशिव येथील पत्रकार रविंद्र केसकर यांचे अपहरण करून त्यांना जिवे मारण्याचा प्रयत्न करण्यात आल्याची घटना सोमवार दि.१ एप्रिल रोजी रात्री आठ वाजण्याच्या सुमारास धाराशिव शहरातील तुळजापूर रोडवर अमर पॅलेस ते साळुंके नगर-बेंबळी रोड या भागात घडली.
वारंवार होणारे पत्रकारांवर हल्ले करून प्रसार माध्यमांची मुस्कटदाबी केली जात आहे.लोहारा तालुका पत्रकारांच्या वतीने या घटनेचा निषेध व्यक्त करीत आहोत.गृहमंत्री देवेंद्र फडणवीस यांनी या घटनेची तात्काळ दखल घ्यावी.पत्रकार,साहीत्यिक,कवी रविंद्र केसकर यांच्यावर हल्ला करणाऱ्या समाज कंटक हल्लेखोरांचा तात्काळ शोध घेवून त्यांना अटक करावी व कठोर कायदेशीर कारवाई करण्यात यावी अशी मागणी लोहारा तहसीलदार यांना दि.२ रोजी दिलेल्या निवेदनात केली आहे.
यावेळी लोहारा तहसिलचे अव्वल कारकून उत्तम मुदीराज यांनी निवेदन स्वीकारले.निवेदनावर निळकंठ कांबळे,बालाजी बिराजदार, इक्बाल मुल्ला,अशोक दुबे,अब्बास शेख,तानाजी माटे,जे.के. बायस,गणेश खबोले,विक्रांत संगशेट्टी यांच्यासह पत्रकारांच्या स्वाक्षऱ्या आहेत.